Хялбаршуулсан журмаар хэрэг хянан шийдвэрлэх ажиллагаа гэдэг нь хэргийн оролцогчид субьектив эрх, хуулиар хамгаалагдсан ашиг сонирхлоо хамгаалах арга хэрэгсэл, хэмжээг өөрсдийн хүсэл зоригийн дагуу тодорхойлж, иргэний хэрэг хянан шийдвэрлэх ажиллагааны явцад тодорхой хүрээнд зөвшилцөх зарчмаар нэхэмжлэлийн шаардлагыг өөрчлөх, эсвэл тэдгээрээс бүрэн татгалзах боломжтой ажиллагааг хэлнэ.

Шүүгч эвлэрлийн гэрээг хүлээн авснаас хойш 7 хоногийн дотор хянаж баталгаажуулна. Талуудын байгуулсан эвлэрлийн гэрээ ойлгомжгүй, тодорхой бус болсон бол шүүгч эвлэрлийн гэрээг баталгаажуулахаас татгалзсан захирамж гаргадаг бөгөөд гэхдээ уг захирамж нь эвлэрүүлэн зуучлах ажиллагааг дахин явуулахад саад болохгүй. /ИХШХШтХуулийн 74¹.7./