.Шүүхийн шийдвэрийг гүйцэтгэх үндэслэл нь хуулийХүчин төгөлдөр шүүхийн шийдвэр, хуульд заасан тохиолдолд бусад байгууллага, албан тушаалтны шүүхээр баталгаажуулсан шийдвэр байна.

1. Шүүхийн шийдвэр гүйцэтгэх ажиллагаанд дараахь ажиллагаа хамаарна:

• Иргэний хэргийн талаархи шүүхийн шийдвэр гүйцэтгэх ажиллагаа 
• Захиргааны хэргийн талаархи шүүхийн шийдвэр гүйцэтгэх ажиллагаа 
• Зөрчлийн хэргийн талаархи шүүхийн шийдвэр гүйцэтгэх ажиллагаа
• Эрүүгийн хэргийн талаархи шүүхийн шийдвэр гүйцэтгэх ажиллагаа 

2. Иргэний шийдвэр гүйцэтгэх ажиллагааг дараахь шийдвэрийг үндэслэн явуулдаг.

• Иргэний хэргийн болон эрүүгийн хэргийн хамт шийдвэрлэсэн иргэний нэхэмжлэлийн талаархи шүүхийн шийдвэр;
• Хэргийг хялбаршуулсан журмаар хянан шийдвэрлэсэн шүүгчийн захирамж;
• Монгол Улсын олон улсын гэрээнд заасан бол гадаад улсын шүүх, олон улсын шүүх, арбитрын шийдвэр;
• Шүүхээр баталгаажуулсан цэргийн анги, байгууллагын захирагч /дарга/-ийн эд хөрөнгийн хариуцлага хүлээлгэх тухай тушаал, нотариатчийн мэдэгдэх хуудас, арбитрын шийдвэр;
• шүүхээр баталгаажуулсан гэмт хэргийн хохирогчид нөхөн төлбөр олгох сангийн зөвлөлийн шийдвэр;
• Шүүхээс гарах шийдвэрийн биелэлтийг баталгаажуулах арга хэмжээ авах тухай шүүгчийн захирамж.

3. Захиргааны шийдвэр гүйцэтгэх ажиллагааг дараахь шийдвэрийг үндэслэн явуулна:

• Захиргааны хэрэг шүүхэд хянан шийдвэрлэх тухай хуулийн 12.1-д заасан захиргааны хэргийн талаархи шүүхийн шийдвэр;
• Захиргааны актын биелэлтийг түдгэлзүүлэх тухай хуулийн хүчин төгөлдөр болсон шүүгчийн захирамж;
• Хялбаршуулсан журмаар захиргааны хэрэг хянан шийдвэрлэсэн шүүгчийн захирамж, шүүхийн тогтоол;
• Шүүхийн зардал тогтоосон шүүгчийн захирамж.

4. Зөрчлийн шийдвэр гүйцэтгэх ажиллагааг дараахь шийдвэрийг үндэслэн явуулна:

• Торгох шийтгэл оногдуулсан шүүгчийн шийтгэх хуудас;
• Зөрчил үйлдэж олсон хөрөнгө, орлого, зөрчил үйлдэхэд ашигласан эд зүйл, тээврийн хэрэгсэл, уналгыг хураах, эсхүл түүний үнийг гаргуулан хураан авах тухай шийдвэр;
• Хохирол, нөхөн төлбөр гаргуулах тухай шийдвэр;
• Албадан эмчилгээ, албадан сургалтад хамруулах тухай шүүхийн шийдвэр;
• Баривчлах шийтгэл оногдуулсан шүүхийн шийдвэр;
• Гадаадын иргэнийг саатуулах тухай шүүхийн шийдвэр;

5. Эрүүгийн шийдвэр гүйцэтгэх ажиллагааг дараахь шийдвэрийг үндэслэн явуулна:

• Хорих болон хорихоос өөр төрлийн ял оногдуулсан шүүхийн шийдвэр;
• Эрүүгийн хуульд заасан албадлагын арга хэмжээ авсан шүүхийн шийдвэр;
• Сэжигтнийг баривчлах, яллагдагчийг цагдан хорих тухай шүүгчийн захирамж.

                                        ШГЕГ-ын харьяа Шийдвэр гүйцэтгэх газар, хэлтэс, салбар нэгж

Шаардлага хангасан гүйцэтгэх баримт бичгийг ахлах шийдвэр гүйцэтгэгч гүйцэтгэх баримт бичгийг хүлээн авснаас хойш ажлын 3 өдрийн дотор иргэний шийдвэр гүйцэтгэх ажиллагааны хувийн хэрэг нээж, иргэний шийдвэр гүйцэтгэх ажиллагаа үүсгэх тухай тогтоол гарган зохих тойргийн шийдвэр гүйцэтгэгчид хуваарилна.

Гүйцэтгэх баримт бичгийн агуулга, түүнд тавигдах шаардлага

• гүйцэтгэх баримт бичиг олгосон шүүх, бусад байгууллага, албан тушаалтны овог, нэр, он, сар, өдөр, дугаар;
• гүйцэтгэх баримт бичгийн үндэслэл болох шүүх, бусад байгууллага, албан тушаалтны шийдвэрийн он, сар, өдөр, дугаар;
• тухайн гүйцэтгэх баримт бичгийг олгосон үндэслэл;
• төлбөр авагч-хуулийн этгээд, төлбөр төлөгч-хуулийн этгээдийн оноосон нэр, регистрийн дугаар, оршин байгаа хаяг, төлбөр авагч-иргэн, төлбөр төлөгч-иргэний эцэг /эх/-ийн нэр, өөрийн нэр, оршин суугаа газрын болон ажлын газрын хаяг, утасны дугаар, иргэний үнэмлэхийн хуулбар, регистрийн дугаар;
• төлбөр авагчид олговол зохих төлбөрийн хэмжээ;
• төлбөр гаргуулах хөрөнгө, орлого, эд хөрөнгийн эрх болон шүүх, бусад байгууллага, албан тушаалтны шийдвэрийг гүйцэтгэх арга, журам;
• эрх, хууль ёсны ашиг сонирхол нь хамгаалагдсан этгээд болон шүүх, бусад байгууллага, албан тушаалтны шийдвэрийг биелүүлбэл зохих этгээдийн нэр, хаяг;
• гүйцэтгэх баримт бичгийн үндэслэл болох шүүх, бусад байгууллага, албан тушаалтны шийдвэрийн дагуу битүүмжлэгдсэн, хураагдсан хөрөнгө, тэдгээрийн байгаа газар;
• гүйцэтгэх баримт бичгийн үндэслэл болох шүүх, бусад байгууллага, албан тушаалтны шийдвэрийн тогтоох хэсэг буюу төлбөр төлөгч-хүн, хуулийн этгээдээс гаргуулах төлбөрийн хэмжээ, эсхүл төлбөр авагч-хүн, хуулийн этгээдийн эрх, ашиг сонирхолд нийцсэн тодорхой үйлдэл хийх, эсхүл тодорхой үйлдлээс татгалзах үүрэг хүлээлгэсэн хэсэг.
• Гүйцэтгэх баримт бичигт түүнийг олгосон шүүгч, бусад албан тушаалтан гарын үсэг зурж, тамга дарж баталгаажуулсан байна.
• Гүйцэтгэх баримт бичиг энэ хуулийн ШШГтХуулийн 20.1-д заасан шаардлагыг хангаагүй тохиолдолд ахлах шийдвэр гүйцэтгэгч түүнийг хүлээн авснаас хойш ажлын 3 өдрийн дотор тогтоол гарган гүйцэтгэх баримт бичиг олгосон шүүхэд буцаана.
• Шийдвэр гүйцэтгэгч шаардлагатай тохиолдолд эрүүгийн, зөрчлийн, иргэний болон захиргааны хэрэгт авагдсан төлбөр төлөгчийн эд хөрөнгийн байдлын талаархи нотлох баримттай танилцаж болно.
• Шийдвэр гүйцэтгэгч энэ хуулийн 20.1.6-д заасны дагуу гүйцэтгэх баримт бичгийн шаардлагыг хангах боломжгүй тохиолдолд ахлах шийдвэр гүйцэтгэгчийн зөвшөөрснөөр төлбөр гаргуулах хөрөнгө, орлого, шүүхийн шийдвэрийг гүйцэтгэх арга, журмыг өөрчилж болно.

Шүүхийн шийдвэр гүйцэтгэх тухай хуульд хүлээн авсан гүйцэтгэх баримт бичигт зарим төрлийн шийдвэр гүйцэтгэх ажиллагаанд тодорхой хугацаа зааж өгсөн байдаг.

• Иргэний шийдвэр гүйцэтгэлийг баталгаажуулах арга хэмжээг 06.00 цагаас 22.00 цагийн хооронд гүйцэтгэх бөгөөд тодорхой цагийг шийдвэр гүйцэтгэгч бие даан тогтооно.
• Иргэний шийдвэр гүйцэтгэлийг баталгаажуулах арга хэмжээг ажлын бус өдөр, эсхүл 22.00 цагаас 06.00 цагийн хооронд гүйцэтгэх шаардлагатай тохиолдолд ахлах шийдвэр гүйцэтгэгчээс зөвшөөрөл авч, арга хэмжээг гүйцэтгэсэн тэмдэглэлд энэ тухай тусгана.
• Хойшлуулшгүй нөхцөл байдлын улмаас ШШГтХуулийн 45.2-т заасан арга хэмжээг шууд гүйцэтгэсэн тохиолдолд 24 цагийн дотор ахлах шийдвэр гүйцэтгэгчид энэ тухай мэдэгдэнэ.
• Төлбөр авагч, эсхүл төлбөр төлөгч иргэний шийдвэр гүйцэтгэлийг баталгаажуулах арга хэмжээг гүйцэтгэх тохиромжтой хугацааны талаар санал гаргаж болно.

• Тасгийн дарга бөгөөд ахлах шийдвэр гүйцэтгэгч
• Шийдвэр гүйцэтгэх ажиллагаа хариуцсан дэд дарга
• Тус газрын дарга
• Улсын ерөнхий гүйцэтгэгч
• Шүүхийн шийдвэр гүйцэтгэх ерөнхий газрын дарга
• Дээд шатны байгууллагад шат дараалласан гомдлыг гаргаж болно.

Та бүхэн аливаа хэрэг маргааныг цагдаа, шүүхийн шатанд хариуцагч иргэн, хуулийн этгээдийн хөрөнгийг битүүмжилж, хамгаалуулж, хөрөнгө хамгаалах захирамж гаргуулах талаар анхаарах хэрэгтэй байна. Ийм тохиолдолд шүүхийн шийдвэр богино хугацаанд биелэгдэх боломжтой. Мөн тус байгууллагын вэб сайт www.niislel.cd.gov.mn болон нээлттэй утас болох 7019-7019 дугаарын утсанд холбогдох шаардлагатай мэдээ мэдээллээ аваарай.

Асуулт 1. Танай байгууллагад  ямар материал бүрдүүлж очих вэ?

• Гүйцэтгэх хуудас /шүүхээс бичүүлсэн, эх хувиар/
• Шүүхийн шийдвэрүүд /эх хувиар /
• Зардалд тушаасан баримт /Улаанбаатар хотын банк 2617001560/
• Хүсэлт /Байгууллага-гэрчилгээний хуулбар, албан тоот, Иргэн-иргэний үнэмлэхний хуулбар/
• Зардал гаргуулах гэрээ байгуулах

Асуулт 2. Холбоо барих утас болон хаяг?

Шүүхийн Шийдвэр Гүйцэтгэх Ерөнхий газар Чингэлтэй дүүрэг, Бага тойруу 13/1 Хуульчдын гудамж Улаанбаатар – 210646

Утас: 7703-1199, 7019-7019

Утас:  976-51-266320

Цагийн хуваарь: Да-Ба 8:30-17:30

/цайны цаг: 12:30-13:30/

Асуулт 3. Өр төлбөргүй лавлагааг хаанаас авах вэ?

Улаанбаатар хот, Сүхбаатар дүүрэг, 10-р хороо, Цагдаагийн гудамж ШШГЕГ-ын хоёрдугаар байр, Шийдвэр гүйцэтгэх алба-с Утас : 70001480

Асуулт 4. Хүсэлт яаж бичих вэ?

Асуулт 5. Шийдвэр гүйцэтгэх ажиллагааны зардал хэдэн төгрөг тушаах вэ?

Асуулт 6. Шийдвэр гүйцэтгэх ажиллагааны зардал болон төлбөрөө ямар дансанд тушаах вэ?

Улаанбаатар хотын банк 2617001560 тоот данс /дансны нэр НШШГГ/