Боловсролыг дэмжих үйлчилгээ гэдэг нь зорилтот бүлгийн хүүхэд сургуулийн өмнөх боловсролын болон ерөнхий боловсролын сургуульд сурч байгаа бол хичээлийн хэрэгсэл, сурах бичиг, дүрэмт хувцасны үнийн хөнгөлөлт үзүүлэх үйлчилгээ юм.

Хөгжлийн бэрхшээлтэй хүүхэд, гэр оронгүй тэнэмэл амьдралтай иргэний хүүхэд, хорих ангиас суллагдсан хүүхэд албан бус сургалтад хамрагдаж байгаа бол хичээлийн хэрэгсэл, сурах бичиг, дүрэмт хувцасны үнийн хөнгөлөлтийг бүрэн болон хэсэгчлэн олгоно.

Төрөлжсөн асрамжийн үйлчилгээнд хамрагдаж байгаа хүүхэд асрамжийн газраасаа боловсролын зардал авч байгаа бол хичээлийн хэрэгсэл, сурах бичиг, дүрэмт хувцасны үнийн  хөнгөлөлтийг давхардуулан олгохгүй.