ЭРХ ЗҮЙН ХӨТӨЧ

Нийгмийн даатгал Оршуулгын тэтгэмж

Оршуулгын тэтгэмж гэдэг нь нийгмийн даатгал төлөгч этгээд нь ердийн болон ахуйн ослын улмаас нас барсан тохиолдолд түүний оршуулгад зориулан нийгмийн даатгалын тэтгэмжийн сангаас нэг удаа олгох мөнгөн хөрөнгийг хэлнэ.

Асуудлыг шийдвэрлэх дараалал

Тэтгэмжийн даатгалын шимтгэлийг нийтдээ З6 сараас доошгүй хугацаагаар төлсөн даатгуулагч ердийн өвчин, ахуйн ослын улмаас нас барвал түүний оршуулгад зориулан оршуулгын тэтгэмж олгоно.

Даатгуулагч үйлдвэрлэлийн осол, мэргэжлээс шалтгаалсан өвчний улмаас нас барсан бол шимтгэл төлсөн хугацааг харгалзахгүйгээр оршуулгын тэтгэмж авах эрхтэй.

Мөн нийгмийн даатгалын хуульд заасан тэтгэвэр, тэтгэмж авч байсан иргэн нас барвал түүний оршуулгад зориулан оршуулгын тэтгэмж олгоно. 

Оршуулгын тэтгэмжийн хэмжээ: Нийгмийн даатгалын байгууллага нь нас барсан даатгуулагчийн оршуулгад зориулан түүний ар гэрт 2 000 000 төгрөгийн тэтгэмжийг (НДҮЗ-2022 оны 04 дзгээр тогтоол) нэг удаа олгоно.

Бүрдүүлэх баримт бичиг

  • Нас барсан даатгуулагчийн хөдөлмөрийн дэвтэр
  • Нас барсан даатгуулагчийн нийгмийн даатгалын дэвтэр
  • Нас барсны гэрчилгээ
  • Өргөдөл

http://e-khutuch.mn/guide/print/4/16/decide_order